Dy persona janë arrestuar në Prizren, pasi Policia ka gjetur në pronat e tyre narkotikë dhe armë.
Ata janë dërguar në mbajtje.
Përveç narkotikëve, iu gjetën pushkë, pistoleta, sprej, antiplumb e të tjera.
“Janë arrestuar dy të dyshuar meshkuj kosovarë, pasi që gjatë kontrollit të veturës dhe shtëpive të tyre janë gjetur dhe konfiskuar 7.66 gram substancë narkotike e llojit kokainë, 9.46 gram substancë narkotike e llojit marihuanë, 26.19 gram substancë narkotike hashash, një pushkë gjysmë automatike, dy pistoleta, një palë dylbi, dy shufra, një sprej, një antiplumb, një karikator, një telefon mobil dhe 346 fishekë të kalibrave të ndryshëm”, thuhet në raportin e PK-së.