Më shumë se 100 mijë njerëz protetuan në të gjithë Gjermaninë të shtunën kundër partisë së ekstremit të djathtë Alternativa für Deutschland (AfD), e cila shkaktoi këtë protestë pasi u zbulua se anëtarët e partisë diskutuan planet e dëbimit masiv në një takim të ekstremistëve.
Në Frankfurt, rreth 35 mijë njerëz iu bashkuan thirrjes nën banderolën “Mbroni demokracinë – Frankfurt kundër AfD”, duke marshuar në zemrën financiare të Gjermanisë. Një numër i ngjashëm, disa që mbanin postera si “Nazistët jashtë”, u shfaq në qytetin verior të Hanoverit, shkruan The Guardian, transmeton Klankosova.tv.
Protestat u mbajtën gjithashtu në qytete duke përfshirë Braunschweig, Erfurt dhe Kassel dhe shumë qytete më të vogla, duke pasqyruar mobilizimin çdo ditë gjatë javës së kaluar. Në përgjithësi, demonstratat janë thirrur në rreth 100 vende në të gjithë Gjermaninë nga e premtja deri në fundjavë, duke përfshirë në Berlin të dielën.
Politikanët, kishat dhe trajnerët e Bundesligës kanë kërkuar që të gjithë njerëzit të ngrihen kundër AfD.