Zëvendëskomandanti i FSK-së, Gjeneralmajor Rrahman Rama, ka mbajtur të hënën një ligjëratë para studentëve të Universitetit”Ukshin Hoti “ në Prizren, me temën: “ Sfidat e FSK-së në përmbushjen e kapaciteteve Operacionale”.
Para studentëve Rama foli për të arriturat e FSK-së, misionin, strukturën, kapacitetet ekzistuese në kuadër të njësive të FSK-së për periudhën pesë vjeçare të funksionimit të FSK-së( FSK-ja Sot ).
Temë tjetër me interes ishte edhe sfida e kaluar, shpërbërja e TMK-së, krijimi i FSK-së, arritja e kapaciteteve fillestare operacionale, përmbushja e kapaciteteve të plota operacionale, sfidat dhe pengesat në këtë proces, shpallja e KPO-ve, dhe rruga tutje apo sfidat që e presin FSK-në në të ardhmen .
Gjithashtu është diskutuar për rishikimin e Sektorit Strategjik të Sigurisë në Kosovë dhe roli i FSK-së në të ardhmen. Studentët ishin shumë të interesuar të dinë për FSK-në, ku dhe shtruan pyetje të shumta dhe njëherit u ndanë të kënaqur me prezantimin që bëri gjenerali. Ky ligjërim u ndoq nga shumë studentë dhe profesorë të Universitetit Publik të Prizrenit “Ukshin Hoti”.