Mesfushori i Monacos, Youssouf Fofana, ka hapur derën për Milanin.
25-vjeçari fillimisht tërhoqi vëmendjen e Juventusit në gjysmën e parë të këtij sezoni, duke u rritur në një opsion emocionues dhe dinamik në mesfushë me Monacon dhe ai ka arritur të mbajë një nivel të lartë gjatë gjithë sezonit.
Milani ka qenë gjithashtu i impresionuar me Fofana dhe ka shtuar mesfushorin e Monacos në listën e tyre të ngushtë përpara verës, të etur për të gjetur opsionet e duhura për të forcuar skuadrën e Stefano Piolit, ndërsa ata kërkojnë të mbyllin diferencën me liderët e ligës dhe rivalët e Interit.
Duke folur për “MilanNews”, Fofana u pyet për raportet e fundit që diskutonin interesin e Milanit për një marrëveshje verore.
“Mendoj se Milani është një klub vërtet i madh. Të gjithë e njohin Milanin dhe listën e tij të sukseseve. Por përveç muhabetit në Itali, unë mbetem i fokusuar në misionin tim për të sjellë Monacon në Ligën e Kampionëve, që do të jetë si një maratonë”.
“Që tani e deri në fund të sezonit çdo ndeshje është si një finale. Dhe kanë mbetur edhe shtatë për të luajtur. Duhet të ‘gjejmë’ pikë ku duhet të japim gjithçka në çdo ndeshje. Kur luani për Monacon, e dini se Liga e Kampionëve është objektivi natyror i klubit”.
Ai theksoi se si kuqezinjtë kanë një origjinë të rëndësishme në skenën ndërkombëtare, raporton “Football-italia.com”.
“Siç është thënë tashmë, Milani është një nga klubet më të mëdha në botë me një kabinet të rëndësishëm trofesh, por fokusi im aktualisht është të kualifikohem në Champions League me Monacon”.