Kryeparlamentari i Kosovës, Jakup Krasniqi dhe Fatmir Limaj janë tashmë në fazën finale për krijimin e subjektit të ri politik në Kosovë.
Kjo bëhet e ditur për agjencinë e lajmeve INA nga burime të afërta të këshillit nismëtar për themelimin e subjektit të ri, të paralajmëruar gjatë dhjetorit të vitit të kaluar.
Sa i përket lajmeve në media për takimet e shpeshta të dy protagonistëve për formimin e partisë së re me funskionar të PDK, burimi i njëjtë i konsideron si të pa baza.
“Fatmir Limaj nuk është takuar asnjëher me kryeministrin Thaçi ose me ndonjë funksionar të lartë të PDK-së. As në të ardhmen nuk pritet ndonjë takim ose unifikim me partinë e cila sot udhëheq me egzekutivin. Rrugët tani më janë ndarë, dhe subjektit politik i paralajmëruar kohë më parë është në fazën finale”, deklaroi burimi.
Gjithashtu pritet edhe publikimi i emrit të ri të partisë. Ky subjekt i ri do të nisë menjëherë parapërgatitjet për zgjedhjet e reja parlamentare që pritet të mbahen nga mesi i vitit të ardhshëm.
Ndërkaq, kryeminstri i Kosovës në një intervistë televizive, Duke folur për çarjet në PDK dhe marrëdhëniet me Fatmir Limaj Thaçi ka thënë se ai takohet me Limajn.
“Fatmir Limajn e kam mik të vjetër”, ka thënë Thaçi. Por, ai ka mohuar të jetë takuar me Limajn për të debatuar për problemet e brendshme në parti. (INA)