Mesfushori Endrit Krasniqi është përforcimi më i ri i Suharekës.
Ekipi që po debuton këtë sezon në Superligë, e ka prezantuar të shtunën Krasniqin.
Në njoftimin e klubit, thuhet se Krasniqi ka firmosur kontratë trevjeçare.
Ai te Suhareka është transferuar pas largimit nga Shkëndija e Tetovës ditë më parë.
Krasniqi e njeh mirë futbollin kosovar, pasi është shpallur kampion me Dritën e Prishtinën. Gjithashtu, ai ka të fituar edhe një Kupë e Superkupë të Kosovës.
