Sot në qendër të Prizrenit u hap panairi i produkteve artizanale, një ngjarje e rëndësishme që vjen në kuadër të projektit “Ringjallja e Zejeve dhe Ndërtimin e Kulturës për Zhvillimin e Përbashkët Turistik”.
Panairi u inaugurua nga nënkryetari i Komunës, Kujtim Gashi, dhe është pjesë e projektit të financuar nga Bashkimi Evropian përmes Programit IPA për bashkëpunim ndërkufitar mes Kosovës dhe Maqedonisë së Veriut.
Ky panair mblodhi artizanë dhe prodhues nga Komuna e Prizrenit, Shkupi dhe Tetova, të cilët prezantuan punimet e tyre unike dhe tradicionale, duke tërhequr vëmendjen e shumë vizitorëve. Pjesëmarrësit patën mundësinë të eksplorojnë një gamë të gjerë produktesh artizanale që pasqyrojnë trashëgiminë kulturore të rajonit.
Përveç ekspozitës, organizatorët ofruan një platformë për takime biznesi B2B, duke lehtësuar shkëmbimin e kontakteve dhe rritjen e bashkëpunimit për zhvillimin ekonomik./PrizrenPress.com/
Marketing