Gëzim Ajgeraj
Tregime nga odat e Vërrinit,
tregoi, Ahmet Poniku…!
Hymja n’kuvend t’burrave
-N’kuvend të burrave shkohet veç nëse të thirrin.
-Thirrja nuk refuzohet, koftë për të mirë ose për të keq.
-Prej Kuvendit nuk mundesh me u largue pa marrë izë (leje) për me dalë.
-Duhet me thirr para dyerve të oborrit me za të naltë.
-Duhet me zgjedh vendin ku kije me u ungj.
-Ungju me shpejtësi, mos e pengo megjlisin (tubimin).
-Ungju ku t’takon se mundesh me u sprovue me kritika t’odës.
-Mos e za vendin e huaj se duhet apet me e lëshue.
-Në odë t’burrave duhet me u ungj kamëkryq.
-Mos me nxjerr cigaren menjëherë sa të ungjesh.
-Kërko le të vazhdohet muhabeti aty ku ka mbetë.
-Kur t’çilet dera e hinë ndokush mos këqyr kah dera kush po hinë, po nëse burrat luajnë vendin, vepro edhe ti ashtu.
-Nuk ban me folë pa e ditë ku ashtë tema e muhabetit.
-Kur të të thojnë fol diçka kurrë mos thuj s’po di, po thuj po ngoj.
-Kur t’bjer puna me folë zgjidhe fjalën gji kije me e thanë.
-Këqyr mirë okolla mos po e vrasish ndokand me atë fjalë.
-Tri herë mate fjalën e njëherë fole,
-Bjeri ma shkurt mos e zgat shumë.
-Fol fjalë t’mira se fjala e mirë i çelë shtatë dryna.