Kryeministri i Kosovës, Hashim Thaçi, ka deklaruar të dielën se me rastin e rikonstruktimit të Kushtetutës së Kosovës, të cilën e parasheh edhe marrëveshja e Brukselit, komuniteti kombëtar malazez do të hyjë në aktin më të lartë të Kosovës, gjë që është edhe kusht nga Podgorica për vendosjen e marrëdhënieve të plota diplomatike.
Thaçi, duke folur për Televizionin e Malit të Zi, ka thënë se malazezët, në bazë të Kushtetutës së re të Kosovës, do t’i kenë të gjitha të drejtat që iu takojnë sipas standardeve më të larta evropiane, transmeton Koha.net.
Ai nuk ka qenë në gjendje të tregojë se si do të bëhet ndryshimi i Kushtetutës, gjegjësisht nëse kjo do të ndodhë para zgjedhjeve parlamentare, të cilat, sipas të gjitha gjasave, do të mbahen kah mesi i vitit.
“Që nga fillimi kam qenë pro futjes së komunitetit malazez në Kushtetutë. E kjo gjë edhe do të ndodhë. Me rikonstruktimit që pritet të ndodhë, komuniteti malazez dhe ai kroat do të jenë pjesë të Kushtetutës së Kosovës”, ka theksuar Thaçi.