9.9 C
Prizren
E premte, 4 Prill, 2025

Rahoveci i pandalshëm, fiton edhe derbin me Kastriotin

Rahoveci nuk po ka të ndalur në Superligën e Kosovës në hendboll në konkurrencë të meshkujve.

Të enjten mbrëma në palestrën “Mizahir Isma”, Rahoveci e fitoi ndeshjen e fortë me Kastriotin me rezultat 35:32.

Ashtu si pritej, ndeshja ishte betejë e vërtetë, ndonëse vendasit vazhdimisht ishin në epërsi. Por ferizajasit nuk kanë ndalur deri në fund përpjekjet për barazim.

“Vreshtarët” nisën takimin me seri 5:1, ndërsa më pas mbajtën epërsi solide deri në fund të pjesës së parë.

Mysafirët nisën më mirë pjesën e dytë dhe pas një serie 4:0 u afruan në 17:16 në minutën e 35-të. Por më pas lojtarët e Rahovecit lidhën tri gola për 20:16.

Kastrioti nuk ia dolet të afrohet më.

Egzon Gjuka udhëhoqi Rahovecin me shtatë gola. Nga gjashtë i kishin Alban Haziri e Antonio Vozila. Arbër Curri kontribuoi në fitore me shumë pritje.
Wadi Chebbi, portieri i Kastriotit, shfaqi formë të lartë sidomos në 40 minutat e parë. Por ferizajasit nuk përfituan shumë nga kjo.

Më efikasi ishte Deniz Terziqi me dhjetë gola. Nga pesë i kishin Vlerson Zherka, Lulzim Shabani, Rron Ramadani e Alecssander Santos.

Rahoveci e shënoi fitoren e 12-të rresht. Udhëheq në tabelë me 24 pikë. Kastrioti është i treti me 18 pikë./PrizrenPress.com/

Ndeshja e së enjtes ishte e shtyrë dhe i takoi xhiros së 11-të.

Më Shumë

LDK në Prizren uron besimtarët mysliman: Me fat Fitër Bajrami!

Lidhja Demokratike e Kosovës në Prizren ka uruar besimtarët mysliman për festën e Fitër Bajramit me një mesazh të ngrohtë: "Me fat Fitër Bajrami! Të...

Është stinë lulesh

Enver Sulaj shiu bie mbi qepalla e s’shihet syri nga loti e dridhet buza nga ngashërimi… është stinë lulesh e ëndrrash të bukura petalet i luhat puhiza e mbrëmjes të vyshkura...

Lajmet e Fundit