7.7 C
Prizren
E enjte, 3 Prill, 2025

Ylli fiton, por Vëllaznimi kualifikohet në gjysmëfinale të Kupës

Vëllaznimi është skuadra e katërt gjysmëfinaliste e Kupës së Kosovës.

Kuqezinjtë pësuan nga Golden Eagle Ylli me rezultat 98:91 (19:20, 30:22, 22:26, 27:23), por fitorja e ndeshjes së parë me 18 pikë dallim 100:82, ishte vendimtare që të kalojnë në gjysmëfinale.

Therandasit u munduan që të bëjnë rikthimin e madh, por mysafirët nuk e lejuan një gjë të tillë, duke mos rrezikuar depërtimin në mesin e katër më të mirave të kësaj gare, shumë të rëndësishme për basketbollin e Kosovës.

Te vendasit u dalluan Jalen Nesbitt me 19 pikë, pesë kërcime e tri asistime dhe Quade Green me 30 pikë, ndërsa te kuqezinjtë më i miri ishte Arian Azemi me 22 pikë, dhjetë kërcime e shtatë asistime.

Vëllaznimi do të ndeshet me Bashkimin në gjysmëfinale, derisa gjysmëfinalja tjetër zhvillohet ndërmjet Trepçës dhe Sigal Prishtinës. Edhe në gjysmëfinale, do të zhvillohen dy ndeshje vajtje-ardhje, ndërsa finalja e Kupës do të jetë në shkurt të vitit të ardhshëm./PrizrenPress.com/

Më Shumë

“Zjarri dyshohet se u shkaktua nga stufa ngrohëse”, detaje mbi vdekjen e të moshuarës në Rahovec nga djegia e shtëpisë

Një grua ka humbur jetën të shtunën në fshatin Hoçë e Madhe të Rahovecit, si pasojë e zjarrit që përfshiu shtëpinë ku ajo po...

Ylli merr fitoren e pestë radhazi

Golden Eagle Ylli po vazhdon në formë të lartë para garave shtesë, ku regjistroi fitoren e pestë radhazi dhe shumë të rëndësishme ndaj Vëllaznimit...

Lajmet e Fundit