Xhavit Ukaj, kandidat i Lidhjes Demokratike të Kosovës për deputet i cili garon me numrin 97, ka shprehur falënderimet e tij për qytetarët e Dragashit pas një pritjeje të jashtëzakonshme gjatë vizitës së tij në këtë komunë.
Ukaj e cilësoi mikpritjen dhe mbështetjen e qytetarëve si një burim të pashoq motivimi për angazhimin e tij dhe të partisë që ai përfaqëson.
“Jam pa fjalë për mikpritjen dhe mbështetjen tuaj të madhe, që për mua dhe për LDK-në janë një motivim i pashoq për të vazhduar me përkushtim dhe besim në rrugën tonë”, shprehet Ukaj.
Ai falënderoi qytetarët për energjinë dhe përkrahjen e jashtëzakonshme që iu ofruan.
“Faleminderit nga zemra për këtë energji dhe përkrahje të jashtëzakonshme! Bashkë, drejt një të ardhmeje më të mirë!”- përfundoi Ukaj./PrizrenPress.com/
Marketing
