Dy persona janë plagosur në Prizren, ku policia ka njoftuar se disa persona janë takuar në parkingun e një pike shitje të derivateve dhe pas takimit kanë filluar të fjalosen.
Në njoftimin e policisë thuhet se dy nga të dyshuarit janë në trajtim mjekësor, derisa gjendja e tyre sipas mjekut kujdestar është jashtë rrezikut për jete, kurse të dyshuarit e tjerë janë në kërkim.
“Pas shkrepjes së armës persona të përfshirë janë larguar nga vendi i ngjarjes e dy nga ata kanë kërkuar ndihmën e mjekut në emergjencën e Spitalit Rajonale të Prizrenit. Me kohë janë njoftuar Sektori i Hetimeve të stacionit dhe hetuesit e Sektorit Rajonal të hetimeve të cilët kanë dal në vend ngjarje dhe kanë mbledh provat dhe dëshmitë”.
“Dy nga të dyshuarit gjenden në trajtim mjekësor, gjendja e tyre sipas mjekut kujdestar është jashtë rrezikut për jete, kurse të dyshuarit tjerë janë në kërkim”, thuhet në njoftim.
Policia gjatë natës ka bërë identifikimin e personave të përfshirë në rast, janë kryer kontrolle në disa vende, ku tri armë zjarri dhe dy automjete janë sekuestruar në cilësinë e provës materiale .
“Sektori Rajonal i Hetimeve I Drejtorisë Rajonale të Policisë në Prizren është duke e hetuar rastin, në konsultim me prokurorin kujdestar rasti është cilësuar si “Vrasje në tentative “ dhe “Mbajtje në pronësi. kontroll, posedim apo shfrytëzim i pa autorizuar i armës”, thuhet tutje në njoftimin e policisë.
Marketing
