Me dhimbje dhe pikëllim të thellë, Prizreni ka humbur një nga figurat më të shquara të sportit. Në moshën 71-vjeçare ka ndërruar jetë ish-boksieri dhe trajneri i njohur, Avdi Karamani.
Një emër i respektuar në qytet dhe më gjerë, Karamani ia kushtoi jetën boksit, duke trajnuar breza të tërë sportistësh dhe duke lënë gjurmë të pashlyeshme në historinë e këtij sporti. Si pjesë e Klubit të Boksit “Prizreni”, ai udhëhoqi dhe formoi boksierë të njohur si Armend Xhoxhaj, Ensar Badalli, Drilon Thaqi dhe shumë të tjerë, të cilët mbajnë gjallë trashëgiminë e tij.
Humbja e tij është e madhe jo vetëm për familjen dhe të afërmit, por për gjithë komunitetin sportiv dhe qytetarët e Prizrenit.
Varrimi i të ndjerit do të bëhet sot (e hene) në ora 12:00, në varrezat e qytetit të Prizrenit.
U prehtë në paqe!
