16 C
Prizren
E diel, 8 Qershor, 2025

Grapeland kalon në gjysmëfinale të Kupës së Ligës së Parë

Skuadra e Grapeland është ekipi i parë që siguron një vend në gjysmëfinale të Kupës së Ligës së Parë, pas fitores ndaj Vushtrrisë me rezultat 84:77.

Ndeshja, e zhvilluar në Rahovec, u karakterizua nga një fillim i fortë i “Vreshtarëve”, të cilët krijuan epërsi që e ruajtën deri në fund.

Në këtë përballje, Burim Zekiqi kontribuoi me 16 pikë dhe pesë kërcime, ndërsa Bardh Rexha e përfundoi ndeshjen me një dopio-dopio prej dhjetë pikësh e dhjetë kërcimesh. Nga ana tjetër, Vushtrria kishte në radhët e saj Drinor Gërxhaliun me 26 pikë dhe Shpat Sylën me 17 pikë e gjashtë kërcime, por nuk arriti të ndalë Grapelandin.

Në gjysmëfinale, Grapeland do të përballet me fituesin e ndeshjes mes Kosovarit dhe Kerasanit. Ndërkohë, tri çerekfinalet tjera do të luhen të shtunën, duke përcaktuar të gjithë gjysmëfinalistët e turneut./PrizrenPress.com/

Më Shumë

Nesër Xhoxhaj bokson kundër Alievit

Boksieri nga Kosova, Labinot Xhoxhaj, i cili është kampion aktual evropian i peshave të rënda në EBU, do të ngjitet nesër në ring ku...

Arrestohen dy qytetarë dhe një polic jashtë detyrës në Prizren, IPK: Zyrtari ishte i suspenduar për një rast tjetër

Inspektorati Policor ka njoftuar se të shtunën ka ndodhur një incident mes disa personave, mes tyre një zyrtar policor. “Inspektorati Policor i Kosovës (IPK), është...

Lajmet e Fundit