Punimet për ndërtimin e Qendrës Kryesore të Mjekësisë Familjare (QKMF) të re në Prizren janë në fazën e fundit.
Ky projekt, i realizuar nga Drejtoria e Shëndetësisë, ka një sipërfaqe prej rreth 1.500 metrash katrorë dhe do të ofrojë shërbime mjekësore cilësore për qytetarët. Ndërtesa, që po ngritet në ambientet e ish-kampit të KFOR-it, do të ketë gjithashtu hapësira të mjaftueshme për parkimin e pacientëve.
“Drejt përfundimit punimet për ndërtimin e QKMF-së së re, në ambientet e ish kampit të KFOR-it (Innovation and Training Park – ITP) në Prizren. Ky projekt i Drejtorisë së Shëndetësisë, objekt modern me rreth 1.500 metra katrorë hapësirë, do të ofrojë shërbime cilësore mjekësore dhe hapësirë të mjaftueshme parkimi për pacientët”, thuher në njoftimin e komunës./PrizrenPress.com/
