Llapi e ka mundur Malishevën si mysafir me rezultat 1:3 në javën e 30-të të Superligës së Kosovës.
Ardit Tahiri në minutën e 40-të dhe Valmir Veliu pesë minuta më vonë realizuan për 0:2 dhe kështu mbaroi pjesa e parë.
Në të dytën u duk sikur vendësit po ktheheshin në lojë kur Laurent Xhylani zvogëloi epërsinë e llapjanëve në minutën e 52-të.
Mirëpo, Elvir Gashijani vulosi trepikëshin për mysafirët me golin e tij në minutën e 86-të.
Malisheva me këtë humbje mbetet e treta me 47 pikë, gjashtë më pak se Ferizaj në të katërtin por që këta të fundit kanë një ndeshje më shumë për ta luajtur.
Në anën tjetër, Llapi del i pesti me 39 pikë, tri më shumë se Dukagjini në të tetin që ndodhet në pozitën e barazhit.
