Kompania Rajonale e Ujësjellësit “Hidroregjioni Jugor” në Prizren njofton se, pas një angazhimi maksimal nga ekipi i mirëmbajtjes së Njësisë Operative në Dragash, është arritur të lokalizohet dhe të sanohet defekti i paraqitur në gypin kryesor të ujësjellësit, pranë stacionit të autobusëve, raporton PrizrenPress.
Si rezultat i punës intensive të ekipeve teknike, në kushte të vështira terreni, furnizimi me ujë të pijshëm në qytetin e Dragashit është rikthyer në normalitet.
“Pas një angazhimi maksimal nga ekipa e mirëmbajtjes së Njësisë Operative në Dragash, u arrit të evidentohet dhe të sanohet defekti dhe të rikthehet furnizimi normal në qytetin e Dragashit”, bënë të ditur kompania./PrizrenPress.com
