Kuvendari i Prizrenit, Ertan Simitçi njëherësh kryetar i YTHP-së ka ngritur sërish shqetësimin për mungesën e furnizimit me ujë në varrezat e qytetit të Prizrenit.
Sipas tij, kjo situatë krijon vështirësi për familjarët që në prag të festës së Bajramit, përkujdesen për varret e të afërmve të tyre.
Ai ka theksuar se bashkë me aktivistët e rinj të partisë kanë shpërndarë ujë për qytetarët, me qëllim që të tërheqin vëmendjen lidhur me këtë problem, që nuk po gjen zgjidhje. “Qëllimi ynë është që zëri ynë të dëgjohet dhe do të vazhdojmë me përpjekjet dhe aksionet tona derisa ai të dëgjohet”, është shprehur Simitçi.
Ndërprerja e furnizimit me ujë në varrezat e qytetit është ngritur si shqetësim disa herë nga Simitçi, i cili pati paralajmëruar edhe reagim përmes rrugëve ligjore për këtë çështje. /Telegrafi/
