Një rast i rëndë vjedhjeje është shënuar në orët e vona të së martës në lagjen “Dardania” të Prizrenit, ku persona ende të paidentifikuar kanë hyrë me forcë në një shtëpi private dhe kanë grabitur para të gatshme dhe stoli ari në një shumë të konsiderueshme.
“Në momentin e ngjarjes pronari i shtëpisë, E.R., nuk ndodhej në banesë, çka dyshohet se është shfrytëzuar nga autorët për të kryer vjedhjen”, njofton policia.
Ata dyshohet të kenë depërtuar përmes dritares së pasme, të cilën e kanë hapur me forcë.
Sipas të dhënave paraprake nga vendi i ngjarjes, hajnat kanë shkatërruar ambientet e brendshme të shtëpisë dhe më pas kanë marrë 1,000 euro para të gatshme dhe stoli ari në vlerë prej rreth 29,500 eurosh.
Në vendin e ngjarjes kanë intervenuar njësitet hetimore dhe krim-teknikët, të cilët kanë kryer ekzaminimet dhe dokumentimin e rastit. Policia e Kosovës ka nisur hetime intensive për identifikimin dhe kapjen e autorëve, ndërkohë që rasti është klasifikuar si “Vjedhje e rëndë”/ Gazeta Sinjali
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren