Kryetari i Parlamentit të Kosovës, Jakup Krasniqi edhe një herë ka folur në cilësinë e opozitarit. Ai sërish e ka përdorur rrjetin social Facebook që t’iu adresohet qytetarëve.
“Mbyllja e shkollave për shkak të cilësisë se naftës, tregon se pa ligjësia, jo kontrolli i mallrave të ndryshëm është në nivel të lartë. Mbyllja e shkollave do të duhej të ishte alarm për institucionet përgjegjëse të shtetit, që ato të viheshin në kontroll te bizneseve që importojnë derivatet e naftës. Nuk është hera e parë që në Kosovë flitet e shkruhet për cilësinë e dobët te këtij malli profitabil për te cilin është i interesuar shumë edhe politika”, ka shkruar Jakupi në Facebook.
Po ashtu Krasniqi nuk ka lënë pa i përmendur edhe protestat e sotme.
“Storiet filmike të demonstrimit para Rektoratit te Universitetit “Hasan Prishtina” në Prishtinë, është diçka që më se paku i duhet te prezantohet Republika e Kosovës ne mediat tona dhe ato të huaja. Për këto të fundit do të duhej të kishim një reagim akademik të një përgjegjësie të lartë. Përkundrazi, sot patëm një reagim akademik por për diçka krejt periferike. Kjo ndoshta tregon edhe nivelin e reagimit akademik për fenomenet e ndryshme shoqërore në Kosovë.
Protestimi është e drejt qytetare e garantuar me ligj në shtetet demokratike, por protestat duhet të janë të qeta e në shërbim të avancimit të demokracisë. Protestat askund nuk i zgjidhin shpejtë problemet, prandaj duhet të kenë durim. Protestuesit duhet ta kanë parasysh se policet janë në mbrojtje të rendit e të ligjit dhe se janë të urdhëruar që të janë aty, prandaj sjellja ndaj tyre duhet të jetë e kulturuar pasi ata nuk janë armiq te protestuesve, janë vëllezër dhe bashkëqytetarë te tyre”, ka shkruar në fund Krasniqi. /PrizrenPress.com/