Zyra e baroneshës Catherine Ashton ka kontaktuar këto ditë kabinetin e kryeministrit të Kosovës Hashim Thaçi si dhe atë të kryeministrit të Serbisë, Ivica Daçiq në lidhje me organizimin e takimit të radhës në Bruksel. Sipas njoftimeve ende jozyrtare, Ashton kishte propozuar që takimi i radhës të mbahej më 5 mars.
Kjo datë, sipas burimeve të gazetës, nuk i ishte përgjigjur kryeministrit të Kosovës i cili atë datë do të jetë i angazhuar në shënimin e Epopesë së UÇK-së. Kështu që kabineti i Thaçit kishte sugjeruar datat 3 apo 8 mars për realizimin e takimit të radhës. Ndërkaq pala serbe, sipas kryeministrit Daçiq kishte propozuar që takimi të zhvillohet mes datave 13 dhe 20 mars. Serbia, pritet të organizojë zgjedhjet parlamentare më 16 mars, kështu që edhe ky fakt, është thënë se do të merret parasysh nga baronesha Ashton para se të caktojë datën e këtij takimi.
Dialogu politik midis dy kryeministrave pritet të ketë sërish në qendër të vëmendjes funksionimin e gjykatave në katër komunat veriore të Kosovës.
Në qëndrimin e tij të fundit që ka shprehur në lidhje me vazhdimin e dialogut, kryeministri Thaçi sërish është shprehur optimist se do të arrihet marrëveshja