“Epopeja e UÇK-së” do të përmbyllet sonte me manifestimin “Nata e Zjarreve”, i cili do të mbahet në Prekaz.
Ky manifestim do të fillojë nga ora 17:45 me ç’rast do të bëhet riti tradicional në nderim të dëshmorëve të kombit, me ndezjen e flakadanëve në Kompleksin Memorial “Adem Jashari”.
Më pas, duke filluar në orën 18:00, manifestimi do të vazhdojë me një program kulturor-artistik në sheshin Adem Jashari në Skenderaj.
“Nata e Zjarreve” shënon ditën e tretë dhe të fundit të manifestimit tradicional “Epopeja e UÇK-së”, i cili i kushtohet rënies heroike të komandantit legjendar Adem Jashari dhe familjes së tij.