Ministria e Arsimit pritet që shumë shpejt ta nënshkruajë kontratën kolektive pesëvjeçare, e cila do t’i mbrojë të drejtat e të gjithë mësimdhënësve në Kosovë
Vendimi i Qeverisë për rritjen e pagave për 25 %, sipas Rrahman Jasharajt, kryetar i Sindikatës së Bashkuar të Arsimit, Shkencës dhe Kulturës, do të shikohet vetëm si një ofertë nga SBASHK-u – shkruan gazeta Tribuna.
“Do të konsultohemi me kryetarët e sindikatave nëpër komuna dhe do të presim sinjalin e tyre”, ka thënë ai. Ndërkaq nuk pajtohet me vendimin që mësimdhënësit që i kap sistemi i Bolonjës, nga viti 202 e këndej, të kryejnë edhe nivelin master nëse dëshirojnë të vazhdojnë punën e tyre.
“Unë besoj që me vullnetin e mirë të ministrisë, marsi mund të sjellë kontratën kolektive, por çështja është se edhe një herë duhet të tërheqim tekstin në mënyrë që komisioni ynë negociues ta analizojë edhe njëherë me komisionin e MASHT-it. Ndoshta kjo merr pak kohë, sepse kanë punuar grupe të ndryshme, në këtë kontratë, dhe pa e parë tekstin e kontratës përfundimtare unë nuk mund ta nënshkruaj”.