“Pa përfunduar procesi i integrimit të Veriut në shtetin e Kosovës, pa u shtrirë gjyqësia e ligji në Veri, pa u kompletuar infrastruktura e Policisë së Kosovës – nuk mund të flasim për dislokim të ndonjë njësie të Forcës së Armatosur të Kosovës në veri” , ka thënë Naim Maloku
Krijimi dhe operacionalizimi i Forcave të Armatosura të Kosovës është i lidhur ngushtë me faktorët politikë, veçmas me integrimin e Veriut të banuar me shumicë serbe, ka thënë në një intervistë për “Kohën Ditore” eksperti ushtarak Naim Maloku.
Ndërkaq vendimi i Qeverisë, sipas tij, paraqet fillimin e një procesi i cili do të zgjasë dhe do të kushtojë shumë financiarisht.
Ai ka thënë se aktualisht Kosova është e rrezikuar vetëm prej Serbisë, për shkak se në preambulën e kushtetutës Serbia e ka Kosovën si pjesë përbërëse të saj. Në bazë të këtyre parametrave, Maloku thotë se duhet të planifikohen dhe të ngrihen kapacitetet e Forcave të Armatosura të Kosovës. Ai ka folur edhe për doktrinën ushtarake që duhet ta ketë Kosova, për pjesëmarrjen e minoriteteve në Forcat e Armatosura të Kosovës, si dhe për relacionet e kësaj force me NATO-n.
“Pa përfunduar procesi i integrimit të Veriut në shtetin e Kosovës, pa u shtrirë gjyqësia e ligji në Veri, pa u kompletuar infrastruktura e Policisë së Kosovës – nuk mund të flasim për dislokim të ndonjë njësie të Forcës së Armatosur të Kosovës në veri”
(Koha Ditore)