Qe pesë vite Egzon Bajraliu (20) nga Prishtina kërkon ndihmën e shtetit për ta shpëtuar nga dhuna në familje, shkruan sot “Koha Ditore”. Atij, nënës dhe tri motrave “nuk po u ofrohet ndihma adekuate”.
Duke vlerësuar se shteti ka dështuar në mbrojtjen dhe ofrimin e sigurisë, ata vazhdojnë të jetojnë me frikën se kur kryefamiljari i tyre do t’i realizoj kërcënimet me vrasje.
Rrahjet, kërcënimet e ofendimet që H.Bajraliu (48) ia bënë gruas dhe fëmijëve thotë se ende po vazhdojnë. Kulmi i tërë torturave mbetet për këtë familje ngacmimi seksual i H.Bajraliut ndaj të bijave.