Projektligji për përgjime nëse miratohet si i tillë, do të rrit koston e shërbimeve të komunikimit elektronik. Kundërshtime për këtë projektligj ka pasur nga Shoqata e Teknologjisë dhe Komunikimit si dhe nga BIRN.
Projektligji për përgjimin e komunikimeve elektrike po vazhdon të marrë kritika të ashpra.
KTV raporton se efekti i këtij ligji do të jetë i madh sepse ai pritet të rritë koston e shërbimeve të komunikimit elektronik.
Përfaqësuesit e Shoqatës së Teknologjisë së Informacionit dhe të Komunikimit të Kosovës, të cilët e kanë analizuar këtë projektligj, thjonç se ai është i panevojshëm. Projektligji parasheh detyrime që tashmë janë të rregulluara me ligjet e tjera, siç është Ligji për komunikime elektronike.
Ndërkaq, Arianit Dobroshi, anëtar i bordit në FLOSSK, ka thënë për KTV se me rëndësi është që AKI-ja dhe institucionet tjera të mos kenë mundësi autonome për përgjim. Ai ka kërkuar edhe heqjen e detyrimit për mbajtjen e të dhënave për një periudhë, pasi që rrezikojnë privatësinë e qytetarëve.
Kundërshtime për projektligjin ka pasur edhe Rrjeti Ballkanik për Gazetari Hulumtuese, që ndër të tjera konsideron se projektligji edhe qëllimin e ka të paqartë. Gjithashtu, sipas BIRN-it, projektligji lejon një numër të pakufizuar të institucioneve të kenë qasje në telefonata dhe mesazhe.