Deputetët e Kuvendit të Kosovës duhet që brenda këtij muaji të marrin një vendim të vështirë, por më të lehtin të mundshëm në rrethanat e krijuara pas hetimeve për raportin e Dick Martyt, vlerësojnë diplomatë të afërt me ekipin që po e përgatitë krijimin e gjykatës që do të trajtojë aktakuzat e mundshme.
Sipas këtyre zyrtarëve, krijimi i një Tribunali që do të merrej me të gjitha krimet e kryera në Kosovë duhet të shqyrtohet në një të ardhme, derisa sipas tyre, nuk mund t`i iket krijimit të gjykatës për Dick Martyn.
Sipas të njëjtave burime, tashmë është shmangur skenari i rëndë kur gjykata do të ishte një Tribunal i mirëfilltë evropian, derisa i takon Kuvendit të Kosovës që të shmangë krijimin e Tribunalit nën autoritetin e OKB-së, gjë që do të ndodhte nëse deputetët e Kosovës dështojnë ta miratojnë krijimin e gjykatës sipas modelit të ofruar javën e kaluar