Vëllezërit e Paul Walker, Caleb dhe Cody, i janë bashkuar prodhimit të filmit Fast & Furious 7 dhe do të zëvendësojnë aktorin në mënyrë që filmi të përfundojë.
Walker, që vdiq nga një aksident automobilistik në fundjavën e Ditës së Falënderimeve, kishte xhiruar tashmë skenat më dramatike dhe shumicën e pjesës aksion për Fast & Furious 7.
“Caleb dhe Cody po na ndihmojnë të mbarojmë disa nga skenat e mbetura pa xhiruar dhe për të plotësuar disa mangësi nga produksioni. Prania e tyre në sheshin e xhirimit, na bën ta ndiejmë Paul Walker më afër,” shprehet deklarata.
Filmi do të dalë në 10 prill 2015, nëntë muaj pas datës së planifikuar fillimisht.
Deklarata vazhdon duke thënë se të bashkoheshin dhe të vazhdonin punën ishte e vetmja zgjidhje. Kjo, sipas të njëjtit burim ishte edhe dëshira e adhuruesve të filmit dhe do të ishte edhe dëshira e aktorit Paul.