Qe gati dy javë qyshkur ka filluar plani policor “Java e sigurisë” policia ka shqiptuar 17 mijë e 773 gjoba ndaj pjesëmarrësve në komunikacion, shkruan sot Koha Ditore.
Sipas llogaritjeve i bie që nga 1 maji, brenda ditës, të jenë gjobitur mesatarisht rreth 1 mijë e 270 persona.
Vetëm në rajonin e Prishtinës, sipas të dhënave policore, janë shqiptuar gati gjysma e këtyre tiketave për kundërvajtje që arrijnë shifrën në mbi 7 mijë e 200 sosh.
Tejkalimi i shpejtësisë së kufizuar mbetet kundërvajtja më e shpeshtë. Në javën e parë të këtij plani, nga të dhënat policore, del të jenë shqiptuar mbi 3 mijë e 400 gjoba për mosrespektim të shpejtësisë së kufizuar/koha ditore/