Alessandra Ambrosio parakaloi në tapetin e kuq në Festivalin e Filmit në Kanë në premierën e ‘Two Days, One Night’.
Modelja 33-vjeçare dukej super tërheqëse me bizhuteri nga Chopard dhe një fustan nga Versace që kishte një të çarë të konsiderueshme që nxirrte në pah këmbët e saj elegante dhe super të tonifikuara.
Alessandra Ambrosio është një ndër modelet më të bukura, por për vajzën e saj dëshiron që të rritet konfidente dhe të kuptojë që pamja e jashtme nuk është gjëja më e rëndësishme. Alessandra është nënë e 2 fëmijëve Anja dhe Noah përkatësisht 5 dhe 2 vjeç. Në një intervistë për revistën “Self”, modelja thotë: “Të kesh një trup perfekt nuk është gjithçka. Dëshiroj që vajza ime të jetë e edukuar dhe shumë e disiplinuar. Një pamje dhe një trup perfekt nuk e bën një njeri më të mirë. E gjitha ka të bëjë me të vetëndjerin konfident”.
Gjatë intervistës për revistën “Self”, ëngjëlli i Victoria’s dha këshilla sesi të kesh një fizik që të bën të ndjehesh mirë dhe gjithashtu foli edhe mbi regjimin e saj në fitness. / Top Channel