Kandidatët e LDK-së në Prizren, për deputet të Parlamentit të Kosovës, kanë mbajtur tubim me elektoratin e fshatit Bishtazhin, Planejë dhe Krushë e Madhe.
Kandidati për deputet të LDK-së nga Hasi, Haziz Hodaj ftoi elektoratin e këtyre fshatrave që me 8 qershor të votojnë për LDK-në. ” Ju ftoj që të dilni në zgjedhje dhe të votoni LDK-në, sepse vetëm ky subjekt politik mund të përmisojë gjendjen e keqe që është krijuar në Kosovë”, tha Hodaj.
Ai po ashtu para elektoratit shpalosi programin qeverisës të LDK-së.
“Programi i LDK-së bazohet në katër shtylla, atë të arsimit, shëndetësisë,zhvillimit ekonomik dhe sundimit të ligjit”.
Edhe kandidati tjetër për deputet, Avdullah Hoti, ftoi elektoratin e këtyre fshatrave që të votojnë për LDK-në.
/PrizrenPress.com/