Rektori i Universitetit të Prishtinës “Hasan Prishtina”, Anton Berishaj, ka nënshkruar një Memorandum Mirëkuptimi me Universitetin “Dokuz Eylül”, të Izmirit.
Ky memorandum është nënshkruar gjatë një vizite që rektori Berishaj, ka zhvilluar në ?zmir të Turqisë ku u prit nga rektori i Universitetit “Dokuz Eylül” të Izmirit,. Mehmet Füzün.
Qëllimi i këtij takimi ishte nënshkrimi i Memorandumit të Mirëkuptimit, si hap i parë i konkretizimit të bashkëpunimit ndërmjet këtyre universiteteve dhe parasheh forma të ndryshme të bashkëpunimit, duke filluar me këmbim të stafit, studentëve, këmbimit të përvojave akademike, pedagogjike e administrative, organizimin e simpoziumeve dhe konferencave të përbashkëta.
Sipas një komunikatë për media gjatë kësaj vizite, Rektori Berishaj po ashtu takoi edhe përfaqësues të disa departamenteve të Universitetit “Dokuz Eylül”, si të Sociologjisë, Historisë, Filozofisë, Arkeologjisë dhe Letërsisë.
Ndryshe rektori Berishaj mbajti edhe një ligjëratë rreth historikut, misi onit dhe perspektivës ndërkombëtare të Universitetit të Prishtinës. Gjatë këtij takimi u diskutua edhe për format e ndryshme të bashkëpunimit ndërmjet departamenteve homologe.