Rihanna mbërriti të mërkurën në Paris ku prezantoi edhe parfumin e saj më të ri “Rouge” në “Sephora Store”.
26-vjeçarja mbërriti në kryeqytetin e Francës me një veshje lëkure nga Balmain, me pantallone “të çuditshme” dhe flokë të gjata të zeza.
Pasi pozoi për fotografët, popstari nënshkroi edhe autografë për të gjithë fansat që prej orësh prisnin ardhjen e saj. Gjithashtu, pas vizitës në “Sephora Store” Rihanna vendosi të shijojë edhe një picë në një restorant të Parisit.
Të hënën Rihanna u nderua me çmimin “Fashion Icon” nga Këshilli i Stilistëve Amerikanë, por më shumë se trofeu, xhiron e botës e bëri fustani transparent i këngëtares që linte pak vend për imagjinatë.