Drejtori i Drejtorisë së Arsimit në Prizren, Nexhat Çoçaj, ka treguar se edhe këtë vit interesimi më i madh i nxënësve për t’u regjistruar mbetet Gjimnazi dhe Shkolla e Mjekësisë.
Ai tha se Drejtoria e Arsimit ka zgjatur afatin e paraqitjes së nxënësve në afatin e parë për regjistrim në Shkollën e Kompetencës dhe në atë të Agrobiznesit.
“Veçantia e shkollës së Kompetenmcës është se praktika do të zhvillohet në Gjermani, ndërsa do të jetë e mbikqyrur nga donatori”.
Diplomat e kësaj shkolle,sipas tij, do të njihen edhe jashtë Kosovës.
Shkolla e Kompetencës dhe ajo profesionale e Agrobiznesit ofrojnë drejtime të reja në komunën e Prizrenit, dhe do të nxjerrin kuadro që i duhen ekonomisë në përgjithsi dhe bujqësisë në veçanti. /PrizrenPress.com/