Gjykata Kushtetuese e Kosovës njofton se tashmë ka marrë vendim rreth kërkesës së parashtruar nga presidentja Atifete Jahjaga për vlerësimin e përputhshmërisë së dy neneve të Kushtetutës që lidhen me nominimin e mandatarit për formimin e qeverisë, porse këtë vendim do ta shpallë më vonë.
“Të hënën, më 30 qershor 2014, Gjykata Kushtetuese e Republikës së Kosovës, ka shqyrtuar dhe ka vendosur për rastin KO103/14, të parashtruar nga Presidenti i Republikës së Kosovës, përkitazi me vlerësimin e përputhshmërisë së nenit 84 [Kompetencat e Presidentit], paragrafi 14, me nenin 95 [Zgjedhja e Qeverisë] të Kushtetutës së Republikës së Kosovës.
Gjykata Kushtetuese do ta publikojë vendimin në ditët në vijim”, thuhet në njoftim.