Ka nisur sot në Gjykatën e Krimeve të Rënda seanca gjyqësore ndaj biznesmenit Arben Frroku, të akuzuar për vrasjen e kryekomisarit Dritan Lamaj. Në seancën e sotme Frroku pritej të përballej në gjykatë me dëshmitarin okular që e ka identifikuar si autor të vrasjes, Arben Ndokën, por Prokuroria ka deklaruar se ende nuk e ka vendosur formën se si do merret në pyetje Arben Ndoi, dëshmirari i marrë në mbrojtje, i cilësuar si prova kyçe e prokurorisë kundër biznesmenit Frroku.
“Nuk kemi vendosur si do pyesim dëshmitarin. Po shohim mundësinë e pyetjes me video-konferencë”, ka thën prokurori.
Pikërish kjo deklaratë ka ngjallur reagimin e biznesmenit Frroku, i cili është shprehur se ky dëshmitar që qenka kaq i rëndësishëm për organin e akuzës, duhet të ishte marrë në pyetje i pari.
“Dëshmitari Arben Ndoi kërkon prokurë, kur duhet të merrej i pari në pyetje”, tha Frroku.
Më tej ai shpreh se, “Ka një bandë që vret biznesmenë në rrugë”.
Për arsye sigurie, prokuroria ende nuk u ka vënë në dispozicion avokatëve provat shkresore në lidhje më këtë dëshmitar, si tabulatet e komunikimeve telefonike, përgjigjet e kompanive celularë për qelizën telefonike të tij ditën e ngjarjes.