18.4 C
Prizren
E premte, 14 Mars, 2025

Kurteshi: Në Kosovë funksionon vetëm ligji i të fortit

SamiKurteshi-avokati popullitNë emisionin “Puls” të KTV-së, këtë javë të ftuar kanë qenë Avokati i Popullit, Sami Kurteshi dhe avokati Skender Musa, të cilët folën në lidhje me shkeljen e të drejtave të njeriut nga institucionet publike në Kosovë.

Avokati i Popullit, Sami Kurteshi, ka akuzuar institucionet shtetërore për abuzim me ligjin, pushtetin dhe shtetin.

“Në Kosovë kemi të privilegjuar. Në shumë fusha privilegjohesh pse je i pasur, privilegjohesh pse e ke shpinën e fortë, mandej po vijmë tek gjendja duke e personalizuar dhe i përgjithësuar gjërat, dhe ku askush nuk i beson sistemit gjyqësor. Sot e kam lexuar një deklaratë të një prokurori ku thotë se nuk e dërgoj lëndën në një gjykatë se nuk i besoj. Tash llogarite çfarë deklarate bën prokurori i shtetit. Pastaj kemi mosbesim te qytetarët në institucionet e vendit e sidomos në gjykata”, ka thënë mes tjerash Kurteshi.

Ai më tej ka thënë se administrata shtetërore më shumë i ngjanë “kohës së gogolit”.

“I keni lexuar veprat e gogolit? Pra, kemi administratë të kalbur të shtetit. Pastaj si është e mundur që individi kosovar me qenë i pasur ndërsa shteti më i varfër në Evropë. Ose po e vjedhim shtetin të gjithë një nga një ose ka diçka që nuk po funksionon. Ne po e dimë ku është problemi, por s’po guxojmë ta gjejmë problemin”, është shprehur Kurteshi.

Më Shumë

Gjendja e sigurisë në Suharekë vlerësohet e qetë dhe stabile

Sot u mbajt takimi i radhës i Koordinimit Lokal për Siguri në Suharekë, ku anëtarët diskutuan mbi situatën aktuale dhe aktivitetet e zhvilluara gjatë...

185 milionë për investime kapitale në Prizren gjatë viteve 2018-2023, cilat zona përfituan më shumë?

Lëvizjet në buxhetin për investime kapitale në Komunën e Prizrenit kanë qenë të dukshme në periudhën gjatë viteve 2018 deri në vitin 2023. Por...

Lajmet e Fundit