Gjykata Themelore në Prizrenit, ka marrë vendim që të mbajë një muaj në paraburgim, Fazli Berishën nga lagja “Arbana” . Ai akuzohet për lëndim trupor të bashkëshortes.
“Fazli Berisha do të mbahet në paraburgim për 1 muaj, gjatë së cilës kohë pritet që i pandehuri të dalë në gjykim para Departamentit të Përgjithshëm të Gjykatës Themelore”, njoftoi zëdhënësja e Gjykatës Themelore në Prizren, Afërdita Kicaj.
“Gjyqtari i Procedurës Paraprake e miratoi kërkesën e Prokurorisë Themelore të Prizrenit e cila kërkoi mbajtjen në paraburgim të pandehurit”
Berisha është arrestuar me datën 07.07.2014 nga ora 19.00.
“I pandehuri u akuzua për shkelje të Kodit Penal, duke i shkaktuar lëndime të rënda trupore bashkëshortes, rrezikun se ai mund ta përsërisë veprën penale, pasi i njëjti është recidivist- përsëritës i veprës penale, në shkelje të Nenit 189 par.3. lidhur me pa.1 të KP-së, Gjykata i cakton paraburgim prej 1 muaji”./PrizrenPress.com/