Një prostitutë e rangut të lartë vrau një shef të kompanisë Google në jahtin e tij, duke i injektuar atij një dozë fatale me heroinë.
Pasi e kreu krimin, ajo përfundoi gotën e verës, mblodhi gjërat e saj dhe u largua.
Alix Tichelman, 26 vjeç, u arrestua të premten e akuzuar për vrasjen e Forrest Hayes, 51 vjeç, babai i pesë fëmijëve.
Tichelman u njoh me Hayes përmes një faqe për takime të tilla.
Ditën kur u takuan në jahtin e tij Escape, ajo kishte blerë edhe heroinë.
Pamjet e kamerave të sigurisë në jahtin luksoze tregojnë se si ai ndërron jetë, kurse Tichelman nuk bën asnjë përpjekje për ta ndihmuar apo për të njoftuar policinë.
Hayes u gjet mëngjesin tjetër nga kapiteni i anijes, raportojnë mediat.
Policia e gjurmoi autoren e krimit dhe një oficer organizoi një takim me të.
Ajo kërkonte 1 mijë dollarë në këmbim të seksit.
Së bashku u takuan në një hotel, ku edhe iu vendosën prangat.
Mendohet se ajo ka bërë një tjetër vrasje të ngjashme.
Në një intervistë që kishte dhënë për një revistë fetish-i, ajo kishte pranuar se ishte tip i errët.
“Gjithmonë më ka pëlqyer ana e errët. Prindërit më thonë se që kur isha tre vjeç, pëlqeja filmat horror,” tha ajo.