Kylie Minogue ka shpërthyer në lotë teksa ka folur për ish-të dashurin e saj, Michael Hutchence gjatë një interviste shumë emocionale. “Ishte një dashuri shumë e madhe mes nesh dhe më është thyer me të vërtetë zemra pas ndarjes”, tha Minogue.
25 vjet më parë, këngëtarja, që ishte imazhi i një vajze të mirë, çuditi publikun kur filloi të shoqërohej me yllin e rock-ut, Michael Hutchence. Intervista prej 60 minutash do të transmetohet të dielën në televizionin australian “Channel Nine”.
“Kam provuar shumë gjëra të para me të. Nuk kam takuar kurrë më vonë një njeri si ai”, tha Minogue.
Kjo intervistë ishte një miksim emocionesh dhe kujtimesh dhe bukuroshja bjonde u shfaq e menduar dhe shumë nostalgjike.
Hutchence dhe Minogue dolën së bashku për rreth 2 vjet. Minogue filloi të shoqërohej me yllin e rock-ut në vitin 1989 dhe marrëdhënia e tyre përfundoi kur Hutchence i dha fund nëpërmjet telefonit, pasi kishte takuar supermodelen daneze Helena Christensen.