Partia Demokratike e Kosovës sot ka dërguar një komunikatë për shtyp, ku ka kërkuar qeverisje gjithëpërfshirëse.
Mirëpo në komunikatën e tyre, PDK janë përkujdesur që të fusin fjali të tipit. “Kjo krizë jo vetëm që do t’I bëjë të pashmangshme zgjedhjet e parakohshme por mund të prodhojë edhe gjendje të padëshiruara që do t’i kushtonin vendit dhe qytetarit”, thuhet në komunikatën e PDK-së.
Burim Ramadani, sekretar i përgjithshëm i AAK-së pikërisht e sheh si kërcënim këtë deklaratë të PDK-së.
Ai thotë se kjo komunikatë tregon edhe njëherë dashurinë e tyre të madhe për pushtet, për kontroll të buxhetit publik dhe për të qenë mbi shtetin.
“Keni pasur 7 vjet qeverinë – e keni shkatërruar demokracinë. Të dashur miq. Sapo e lexova një komunikatë të PDK-së. Kjo komunikatë tregon edhe njëherë dashurinë e tyre të madhe për pushtet, për kontroll të buxhetit publik dhe për të qenë mbi shtetin.
Madje, ka elemente kërcënuese.
“Kjo krizë, jo vetëm që do t’i bëjë të pashmangshme zgjedhjet e parakohshme, por mund të prodhojë edhe gjendje të padëshiruara që do t’i kushtonin vendit dhe qytetarit”, thuhet ndër të tjera aty.
Çka qenka kjo “gjendje të padëshruara që do t’i kushtonin vendit dhe qytetarit”?
Po kërcënoni me çka? Për çka? Sepse keni humbur pushtetin apo?
Duhet ta keni të qartë se ishte pikërisht qeverisja e juaj 7 vjeçare që i ka kushtuar shumë vendit dhe qytetarëve, demokracisë dhe perspektivës.
E keni bërë llugë për 7 vjet. Çka po doni më?
Kuptoni se është e rëndësishme për vendin që ju të silleni si opozitë kontruktive. Leni kërcënimet e qasjet dekonstruktive.”, shkruan Ramadani në facebook./Zeri/