Mybera Mustafa (LDK) dhe Osman Hajdari (BD) në gjashtëmujorin e parë të këtij vitin, kanë shënuar numrin më të lartë të çështjeve të ngritura me nga 8.1 për qind në Kuvendin e Prizrenit.
Haziz Hodaj (LDK) dhe Arbër Rexhaj (LVV) janë vlerësuar me nga 7.7 për qind përkatësisht 5.6 për qind të çështjeve të ngritura.
Përfaqësuesi i KDI-së, Naim Cahanaj thotë se gjatë seancave të mbajtura në periudhën janar-qershor 2014 nga anëtarët e Kuvendit të Komunës së Prizrenit janë ngritur gjithsej 234 çështje, prej të cilave 48 për qind nga fusha me interes për qytetarët e Prizrenit.
“ Ndërkaq, 52 për qind e çështjeve të iniciuara kanë qenë të lidhura me aspekte procedurale të punës së organeve të Komunës së Prizrenit”, thotë Cahanaj për PrizrenPress.
Sipas tij, në Kuvendin e Komunës së Prizrenit anëtarët e LDK-së prijnë për nga inicimi i çështjeve me gjithsej 27.4 për qind të çështjeve të ngritura, të përcjellë nga anëtarët e PDK-së dhe BD-së me 17.5 për qind, përkatësisht 13.2 % të çështjeve të ngritura./PrizrenPress.com/