Universiteti i Prizrenit po drejtohet jashtëligjshëm nga një ushtrues detyre, i cili së shpejti mbush moshën e pensionimit, shkruan Koha Ditore.
Ndërsa Ministria e Arsimit, e cila e ka emëruar atë, tani po thotë se nuk është përgjegjëse për shpalljen e konkursit për rektor të këtij Universiteti.
Zahadin Shemsidini, profesor i fizikës në Fakultetin e Edukimit në Universitetin e Prizrenit, në nëntor të vitit të shkuar është emëruar nga MASHT-i si ushtrues detyre i rektorit të këtij Universiteti, pas dorëheqjes së ish-rektorit, Mazllum Baraliu, nga ky post.
Ai pati dhënë dorëheqjen pas vendimit të Bordit të shkuar të UP-së, që u kërkonte profesorëve të përcaktoheshin rreth vendit të tyre të punës, duke shmangur mbajtjen e dy pozitave publike me orar të plotë njëkohësisht.