Drejtoria për Kulturë Rini dhe Sport në bashkëpunim me Qendrën e Rinisë së Malishevës, kanë organizuar Kampin Rinor, dy ditor, i cili u mbajt me datë 25 dhe 26 gusht 2014 në Vargmalet e Berishës. Në këtë kamping morën pjesë 30 të rinj.
Gjatë këtyre dy ditëve të aktiviteteve u mbajtën edhe disa ligjërata nga përfaqësuesit e Policisë së Kosovës nga stacioni i Malishevës me temën” Siguria në trafik dhe siguria e përgjithshme” dhe ligjërata nga përfaqësuesit e Qendrës Kryesore të Mjekësisë Familjare (QKMF), me temën “Sëmundjet seksualisht të transmetueshme”. Ndër tjera në menyrë të organizuar kanë vizituar edhe Kompleksin Memorial në Kleçkë, Shtabin e Përgjithshëm të UÇK-së, dhe Shtëpinë Muze të Radios Kosova e Lirë.
Në kuadër të aktiviteteve të kampingut janë zhvilluar edhe lojëra të ndryshme sportive dhe aktivitete tjera argëtuese. Kampi është përkrahur financiarisht nga komuna e Malishevës dhe departamenti i rinisë MKRS-së, ndërsa Kryqin Kuq i Kosovës ka siguruar shatorët dhe gjëra tjera teknike për kamp.