Për politikanët kosovar si duket nuk është e rëndësishme për cilin medium dhënë intervista, mjafton të jetë medium evropian apo amerikan.
Një rast i tillë ka ngjarë dje me nënkryetarin e PDK-së, Kadri Veselin, i cili ka dhënë një intervistë për një medium amerikan të quajtur “New York News”, transmeton Veriu.info.
Nuk e mohojmë faktin që është medium, pasi që mund të jetë edhe medium i ndonjë rrugice të New York, se as lagjeje jo, kur kemi parasysh se lagjet atje kanë dhjetra mijëra banorë.
Në këtë intervistë Veseli flet për integrimin e Kosovës në Bashkimin Evropian, pastaj Samitin e sapo përfunduar të Berlinit, luftimi e korrupsionit, krijimin e qeverisë së re, e për gjëra të tjera.
Në një kërkim të thjeshtë që ka bërë portali Veriu.info, shihet se Veseli është këshilluar keq nga këshilltarët e tij, pasi që ky portal i quajtur “New York News” është aq i pa rëndësishëm në tregun medial amerikan, sa që në Facebook ka vetëm 1133 pëlqime, do të thotë njerëz që e përcjellin përmes Facebook-ut.
Pastaj, nëse kërkojmë në alexa.com shihet se është i ranguar në vendin e 11 milionë e gjashtëqind mijë, që përkthyer në vizita ditore në portal, i bie që nuk ka më shumë se 100-200 vizitor në ditë. Aq i pa rëndësishëm që është shihet edhe nëse kërkojmë në Wikipedia, ku kjo enciklopedi nuk ofron asnjë informacion për të.
Madje ky portal me datën 31.08.2014 (ditë kur u botuar intervista me Kadri Veseli), ka publikuar vetëm dy artikuj./Veriu.info/
Ja linku i intervistës: http://news-new-york-news.com/kadri-veseli-serious-efforts-for-integration-of-kosovo-into-the-european-union/