Ish-kryeministri Sali Berisha i është bashkuar trendit më të fundit që është përhapur këto dy ditë për të shpërndarë videon kur goditet Gent Strazimiri.
Berisha i bën thirrje qytetarëve që të mbajnë nëpër celularë videon e Strazimirit. Përmes një postimi në Facebook, Berisha shprehet se Strazimiri u godit në parlament pasi nuk dëshironte që të qëndronte në Kuvend me persona të lidhur me krimin.
“Unë ftoj të gjithë demokratët si dhe të gjithë qytetarët e vendit të mbajnë këtë video në celularët e tyre derisa të bëhet drejtesia. Strazimiri në foltore dhe korridoret e Parlamentit ishte njeri prej nesh. Ai u godit sepse njëlloj si ju, nuk dëshiron të ketë lidhje me krimin dhe që në Parlament të përfaqësoheni dhe të vendosin për ju kriminelët!”, shkruan Berisha.
“Të dashur miq, më poshtë keni një video që dëshmon më mirë se çdo gjë tjetër për Edi Ramën dhe fallangat e tij të krimit, Ndoka dhe Ndreu në Parlament, dirigjimin e dhunës nga Rama ndaj Genti Strazimirit si dhe qëndrimin e skllavit të tij Meta, që denoi njëlloj agresorët me viktimën”, shkruan ai. Ja video: