Analisti Halil Matoshi dhe gazetari Sokol Balla, në emisionin “Shqip” të Top Channel janë përplasur ashpër në lidhje me nacionalizmin.
Matoshi thotë se ky nacionalizëm i shfaqur së fundi, nuk i shkon për fytyre Shqipërisë së pavarur.
“Ekzistojnë dy Shqipëri dhe dy Kosova. Është Shqipëria zyrtare dhe Kosova zyrtare.
Nuk guxojmë që të themi se kjo është shtylla e Shqipërisë, shtylla e Serbisë, shtylla e Kosovës. Mendoj se nacionalizmi në media ka shpërthy një eufori nacionaliste dhe që nuk i shkon hiç për fytyre një Shqipërie të pavarur që është 100 vite shtet”, ka thënë Matoshi në emisionin “Shqip” të Top Channel.
Kurse, Sokol Balla ka thënë se në Shqipëri nuk ka plasur asnjë histeria nacionaliste.
“Shqiptarët janë patriotë zotëri Matoshi.
Kur shqiptarët hapën dyert për shqiptarët e Kosovës, nuk i hapën për nacionalizëm, por i hapën për motra dhe vëllezër”, ka thënë Balla në emisionin “Shqip” të Top Channel.
“Kam qenë 8 orë në Beograd dhe kam thënë se ato që kam vuajtur për 8 orë ju keni vuajtur për 100 vjet dhe të fortë keni qenë që keni duruar”, thotë ai.