Zyra për ndihmë qytetarëve për regjistrimin dhe legalizimin e ndërtimeve pa leje është hapur në ambientet e Komunës së Rahovecit. Kjo është bërë konform ligjit të ri për planifikimin hapësinor.
Këtë e ka bërë të ditur drejtori i Drejtorisë së Urbanizmit dhe Planifikimit Hapësinor, Fehmi Hoxha. Sipas tij, qëllimi i hapjes së kësaj zyre është që stafi i saj të dalë në terren dhe të identifikojë të gjitha objektet e banimit, industriale dhe ato të përkohshme, të cilat janë ndërtuar pa leje, shkruan Koha Ditore.