Skenaristi Aaron Sorkin pati njoftuar para disa vitesh se ka në plan të bëjë një film biografik mbi jetën e shefit ekzekutiv të Apple-it, Steve Jobs. Ai zbuloi dje disa detaje mbi këtë film, si dhe aktorin që do të luajë rolin e gjigantit të teknologjisë.
Aktori britanik Christian Bale, i njohur për rolin e tij si Batman tek triologjia “The Dark Knight” e Christopher Nolan, e fitoi këtë rol pa bërë asnjë audicion, deklaroi Sorkin gjatë një interviste të dhënë për gazetën Bloomberg. Që në muajin mars është folur se Bale do të marrë pjesë në film, kur ai ishte përzgjedhur nga regjisori David Fincher për të luajtur rolin kryesor. Nuk janë zbuluar shumë detaje mbi filmin, i cili do të bazohet tek biografia e Jobs e shkruar nga Walter Isaacsson. Regjistrimet e këtij filmi mund të vazhdojnë para përfundimit të këtij viti.
Sorkin u shpreh se Bale ka më shumë fjalë për të thënë në këtë film se sa ç’mund të thoshte një aktor tjetër në tre filma bashkë, dhe kush tjetër përveçse atij do mund ta menaxhonte më mirë një film kaq të vështirë.